دواین هه‌واڵ

هه‌رێمه‌ کوردیـیه‌کان - Voice of America

(سبەى):

بەهۆی ژێرئاوکەوتنی بەلەمێکەوە زیاتر لە (100) كۆچبەری نایاسای بێسەروشوێن دەبن و تەرمى ژمارەیەکیان سەرئاو کەوتون و ترسیش هەیە لە مردنی  تەواوی سەرنشینان، ئەوە لەکاتێکدایە لەماوەى چەند رۆژى رابردودا دەیان کۆچبەر لە رێگە قاچاغەکاندا گیانیان لەدەستداوە و ئەو دۆخەش جیهانى سەرقاڵ کردوە.

ناسر عونەیبە، بەرپرسێكی ئیداری كۆچبەرانی نایاسایی لیبیایە، رایدەگەیەنێت؛ لە ناوچەی غەرابولی نێوان حومس و تەرابلۆس بەلەمێك كە (200) كۆچبەری نایاسایی هەڵگرتبو ژێر ئاو کەوتوە و و دواتر، "تیمەكانی مانگی سوری لیبی و ئاسایشی كەنار دەریا تەرمی (37) لەو كۆچبەرانەیان دۆزیوەتەوە، بەڵام هیچ هەواڵێكی كۆچبەرە نقوم بوەكانی تر نازانن".

هەروەک نەیشاردەوە کە ترسى ئەوە هەیە تەواوى سەرنشینانى بەلەمەکە بەهۆى ژێر ئاوکەوتنیەوە گیانیان لەدەستدابێت.

لە ماوەی چوار رۆژى رابردودا ئەوە دوەمین جارە بەلەمی كۆچبەران نقوم دەبێت و كۆچبەرانیش كەلوپەلی پێویستیان پێ نییە بۆ رزگار بون لە خنكان، هاوکات لە رێگە قاچاغەکانى دیکە دەیان هاوڵاتى کە لەپیناو رزگارکردنی ژیانیان وڵاتەکەیان جێهێشتوە، بە روداوى جیایا گیانیان لەدەستداوە

سه‌رچاوه‌:

http://sbeiy.com/Article-6866

Bookmark and Share