دواین هه‌واڵ

هه‌رێمه‌ کوردیـیه‌کان - Voice of America

 

 

 

رووداو- ئاژانسەكان

رەجەب تەیب ئەردۆغان، سەرۆكوەزیرانی توركیا لەمیانەی وتارێكیدا كە لە كۆبوونەوەی لەگەڵ ئەندامانی پارتەكەی لە ئەنقەرە پێشكەشیكرد، باسی دوایین روودا و پێشهاتەكانی باشووری كوردستانی كرد و لەسەر بارودۆخی ناوچەی شنگال و ئەو ئێزدییانەی بەهۆی هێرشی چەكدارانی داعش لەناوچەكە ئاوارەبوون ئاخافت. ئەردۆغان ئاماژەی بەوەدا كە توركیا تاكە وڵاتە ئەو ئاوارە ئێزدییانە وەردەگرێت.

 

 

ئەردۆغان كە لە هەڵبژاردنی سەرۆكایەتیی كۆماری توركیادا سەركەوت و 28ی ئەم مانگە بە فەرمی وەك 12هەمین سەرۆككۆماری وڵاتەكەی لەسەر كورسی سەرۆكایەتیی دادەنیشێت، باسی لەوەكرد كە بارودۆخی ئێستای ئێزدییەكان بۆخۆی دەرخستنی دۆخێكی ناهەموارە و تاوەكو ئێستاش توركیا نزیكەی 2000 ئاوارەی ئێزدی لە چەند ناوچەیەكی جیاوازی وەك سلۆپی و ئامەد و وان وەرگرتوون.

 

لە وتارەكەیدا ئەردۆغان بوونی رێز و حورمەتی وڵاتەكەی بۆ كەمە نەتەوەكان و ئایینە جیاوازەكان راگەیاند بەتایبەت ئێزدییەكانی ناوچەی شنگال و دەوروبەری لە باشووری كوردستان كە بەهۆی هێرشی چەكدارانی داعش رووبەڕووی دۆخێكی ناهەمووار بوونەتەوە.

 

ئەردۆغان گوتی : "تاوەكو ئێستا لەلایەن حكومەتی توركیاوە120 ئۆتۆمبێلی بارهەڵگر هاوكاری گەیشتووەتە ئەم ئاوارانە و لەداهاتووشدا هاوكارییەكان بەردەوام دەبن". باسی لەوەشكرد كە بەهۆی ئەم دۆخەی ئێستا لەناوچەكە روویداوە، توركیا رووبەڕووی تەنگ و چەڵەمە بووەتەوە، بەڵام داواكاربوو لە هاووڵاتیانی وڵاتەكەی ئارامگربن لەگەڵ ئەم ئاوارانە، "بەو پێیەی ئەگەری ئەوە هەیە ئەم دۆخە بێتە سەر ئێمەش".

 

 

 

Bookmark and Share